టొమాటో పచ్చడి రెండవ రకం

కావలసినవి:-

టొమాటోలు            -1/4 kg

కారంపొడి               -1tb spoon

పసుపు                 -చిటికెడు              

ఉప్పు                    -తగినంత 

బెల్లం ముక్క          -చిన్నది 

తాలింపు గింజలు    - పోపుకి సరిపడా 

ఇంగువ                 - కొద్దిగా 

కరివేపాకు             - రెండు రెమ్మలు 

నూనె                   - ఒక గరిటెడు 

కొత్తిమిర              -ఒక చిన్న కట్ట 

చేయు విధానము:-

1.ముందుగా టొమాటోలను ముక్కలుగా తరిగి వుంచుకోవాలి.

స్టవ్ వెలిగించి బాణలి పెట్టి నూనె పోయాలి. నూనె కాగాక తాలింపు గింజలు                     వేయాలి. ఆవాలు చిటపట లాడాక, తాలింపు గింజలు ఎర్రగా  వేగాక,ఇంగువ,కరివేపాకు వేయాలి

2.ఇప్పుడు తరిగి ఉంచిన టొమాటో లను వేయాలి. అందులో ఉప్పు , పసుపు     వేసి ఒక సారి   బాగా కలిపి మూత మూసి పెట్టాలి.

3.మధ్య మధ్యలో తీస్తూ బాగా వాడ్చుకోవాలి.

4.చిన్న బెల్లం ముక్క పొడి చేసి వేయాలి.

5.టొమాటో లు బాగా వేగి దగ్గర పడ్డాక స్టవ్ ఆపేసి సన్నగా తరిగిన కొత్తిమిర చల్లుకోవాలి.

ఈ పచ్చడి ఎక్కువ కారంగా  చేయకూడదు. పిల్లలకి ఇష్టంగా వుంటుంది. దోసలకి బజ్జీలకి నంచుకోవటానికి బాగుంటుంది.

టొమాటో పచ్చడి మొదటి రకం

కావలసినవి:-

టొమాటోలు        -1/4kg

ఎండుమిర్చి        -4or5

పచ్చిమిర్చి         -2to3

చింతపండు         -నిమ్మకాయంత 

ఆవాలు               - 1tbspoon

జీలకర్ర                 - 1tbspoon

మెంతులు             -1/2tbspoon

ఉప్పు                   -తగినంత  

నూనె                    -2 గరిటలు 

కొత్తిమిర సన్నగా } - అలంకరించడానికి సరిపడా 

తరిగినది         

చేయు విధానం:-

1. ముందుగా టొమాటోలను ముక్కలు చేసి పెట్టుకోవాలి.

2.చింతపండుని నానా వేసి పెట్టుకోవాలి.

3. బాణలిలో నూనె పోసి వేడెక్కాక ఆవాలు, జీలకర్ర వేసి చిటపటలాడాక ,  

    మెంతులు,ఎండుమిర్చి వేసి వేపాలి.

4. ఇప్పుడు పచ్చిమిర్చి, టొమాటో లను  వేసి బాణలిని మూసి వుంచి, మధ్య
     మధ్య లో తిరగేస్తూ బాగా వాడ్చాలి.

5. తరువాత స్టవ్ ఆపేసి బాగా చల్లార నివ్వాలి.

6. చింతపండు గుజ్జు తీసుకోవాలి.

7. ఇప్పుడు చల్లారిన మిశ్రమం, చింతపండు గుజ్జు, ఉప్పు వేసుకొని mixie లో 

    grind చేసుకోవాలి.

8. కొత్తిమిర తరుగుతో అలంకరించుకొంటే టొమాటో పచ్చడి రెడీ.

NOTE:- కారాలు , ఉప్పు వంటివి వారి వారి రుచిని అనుసరించి వేసుకోవాలి. 

              కొద్దిగా చక్కర లేదా బెల్లం కలుపుకోవచ్చు. లేదంటే రెండు మూడు

               ఖర్జూరం పళ్ళు వేసి నూరితే  ఆ పులుపుకి light తియ్యదనంతో 

               రుచి variety గా వుంటుంది. ఇదంతా వారి వారి రుచులను బట్టి.

దోసకాయ పచ్చడి

కావలసినవి:-

దోసకాయ     -ఒకటి

ఆవాలు        -1tbspoon

జీలకర్ర         - 1tbspoon

ఎండు మిర్చి - 4 or 5

చింతపండు   -నిమ్మకాయంత 

మెంతులు     -1/2 table spoon

ఇంగువ        -కొద్దిగా 

ఉప్పు          -తగినంత

నూనె          -2 to 3 tbspoons

కరివేపాకు రెమ్మలు -నాలుగు 

కొత్తిమిర తరుగు     - అలంకరించడానికి సరిపడా 

చేయు విధానం:-

1.ముందుగా దొసకాయ తొక్క తీసి, ముక్కలుగా cut చేసి పెట్టుకోవాలి.

2.చింత పండుని నాన వేసి పెట్టుకోవాలి.

3.stove ON చేసి  బాణలి పెట్టి కొద్ది నూనె వేసి వెచ్చ పడ్డాక  ఎండుమిర్చి     

   మెంతులు వేసి ఎర్రగా వేపుకోవాలి.

4.చింతపండు గుజ్జు తీసి పెట్టుకోవాలి.

5.ఇప్పుడు తరిగి ఉంచు కొన్న దోసకాయలో సగం తీసుకొని.. అందులో 

    చింతపండు గుజ్జు, ఉప్పు, వేపి ఉంచిన ఎండుమిర్చి,మెంతులు వేసి

    mixie లో grind చేసుకోవాలి.(ఇష్టమైన వారు పచ్చిమిర్చి కూడా    

    వేసుకోవచ్చు.)

6.ఇప్పుడు ఈ నూరిన ముద్దని మిగిలిన దోసకాయ ముక్కలతో 

    కలుపుకోవాలి. 

7.ఆవాలు, జీలకర్ర ,ఇంగువ కరివేపాకు లతో  పోపు పెట్టుకోవాలి. 

8.సన్నగా తరిగిన కొత్తిమిరతో అలంకరించుకోవాలి. 

NOTE:-  ఇదే విధంగా కీర దోసకాయతో కూడా చేసుకోవచ్చు. అందులో ఎండుమిర్చి బదులు పచ్చి మిర్చి వాడితే బాగుంటుంది.

    

నువ్వుల పొడి

కావలసినవి:-

నువ్వులు (నల్లవి)-1cup

ధనియాలు          - 1/4 cup

ఇంగువ               - కొద్దిగా 

ఎండుమిర్చి         - తగినంత 

చేయు  విధానం:-

1. మిరియాలు, ధనియాలు ఎండుమిర్చి తక్కువ సెగలో బాణలిలో బాగా వేయించాలి.

2.నువ్వులు బాణలి లో నూనె లేకుండా కమ్మటి వాసన వచ్చేలా వేయించాలి. ఆ వేడిమీదనే  ఇంగువ వేసి తిప్పి

   స్టవ్ ఆపేయాలి.

3.చల్లారాక పొడి కొట్టుకోవాలి.

అన్నప్పొడి

కావలసినవి :-
మినప్పప్పు   -1cup
శనగపప్పు     -1cup

కందిపప్పు     -1cup

పెసరపప్పు    -1cup

జీలకర్ర          -1/4cup

ఎండుమిర్చి   - కొద్దిగా 

ఇంగువ         -కొద్దిగా 

ఉప్పు           -కావలసినంత 

చేయు విధానం:-

1.ఇంగువ ఉప్పు తప్ప .. మిగతావన్నీ విడివిడిగా కమ్మగా వేపుకోవాలి. చివరి దినుసు వేపి దించే ముందుగా

   ఇంగువ వేసుకోవాలి. ఆ వేడికే ఇంగువ వేగిపోతుంది.           

2.ఇప్పుడు వేయించిన పప్పులు, మిర్చి ..చల్లారాక ఉప్పు వేసి మెత్తగా mixie లో వేసి grind చేసుకోవాలి.

   అన్నంలోకి నెయ్యి వేసుకొని ఈ పొడి కలుపుకొని తింటే చాల రుచిగా వుంటుంది.